Platt-Experten, Broot un Wal-Safari...
Dat un noch veel mehr steiht in dat niege BLATT op Platt 1/2010:
Wi hebbt Platt-Promi Yared Dibaba drapen un utfraagt. Peter Nissen un Hartmut Cyriacks hebbt uns vertellt, wo dat löppt, wenn se "Harry Potter" un "Asterix"-Böker op Platt översett. Üm Klock veer in de Fröh hebbt wi ´n Bäckermester över de Schuller keken. Herr Heikel hett uns wiest, dat ´n ok op Plattdüütsch tövern kann. Wi hebbt Vulkane in Island sehn, un, un, un...
Un as jümmers: Narichten ut Plattdüütschland, wichtige plattdüütsche Termine ut Fernsehn, in´t Radio, Theater un Kulturleven, un wunnerbare Gewinne bi de Priesfraag!
To kriegen vun´n 15. April 2010 an direkt bi uns oder in disse Ladens.
Un hier könt ji al mal in´t Heft rinsnuppern!
Service för Platt-Kurse un AGs
Mit 'n Computer is dat hüüttodaags nich veel Opwand, en Text so ümtoännern, dat de in dat Platt vun de egne Region rinpassen deit.
Lüüd, de Plattdüütsch ünnerrichten doot, köönt bi uns de Originaal-Textdateien ordern un denn sülvst afännern - per E-Mail an info@dat-blatt.de oder per Telefon. Un dat köst nix!
NEU: Bestellformular to´n Utdrucken
DAT BLATT abonneern is heel eenfach: Klick de Bestell-Siet an! Dor gifft dat nu ok en Bestell-Formular to´n Utdrucken un Utfüllen. Un dat könt ji per Post oder Fax an uns schicken.
