Anfungen hett allens 2005 in’n Volkshochschool-Kurs för Plattdüütsch in Hamborg.
Dor hebbt sik de Dozent un Journalist Bernhard Koch un de Kommunikationsdesigner Christof Boessner kennenlehrt. Beid harrn de sülvige Idee: En plattdüütsche Tietschrift mutt her! Glieks an´n Anfang hebbt se ok noch de bekannte Autorin Christa Heise-Batt mit na´t Boot rinhaalt.
Dor hebbt sik de Dozent un Journalist Bernhard Koch un de Kommunikationsdesigner Christof Boessner kennenlehrt. Beid harrn de sülvige Idee: En plattdüütsche Tietschrift mutt her! Glieks an´n Anfang hebbt se ok noch de bekannte Autorin Christa Heise-Batt mit na´t Boot rinhaalt.
Christa Heise-Batt bi en Redakschoonsdrepen, Bernhard Koch bi en Reportage-Insatz över de Seenotredders und Christof Boessner bi´t Layouten vun DAT BLATT op Platt
Mit de Tiet is de Redakschoon jümmer grötter worrn, avers en Verlags-Büro gifft dat nich. De Drepens vun de Redakschoons finnt an´n Kökendisch vun Traude Backenberg statt. Dor besnackt de Lüüd vun´t BLATT ok allens, wat för de neegste Utgaav wichtig is.
An´n Anfang vun jedet niege Heft steiht de Mixtuur. DAT BLATT schall för junge un öllere Lesers interessant ween:
Narichten ut de plattdüütsche Welt, Reiseberichte, Schauspeler-Porträts, Theater-Reportagen, Musik, Veranstaltungskalenner, en Thema mit Ecken un Kanten, Planten un Blomen un noch veel mehr – un allens op Plattdüütsch!
An´n Anfang vun jedet niege Heft steiht de Mixtuur. DAT BLATT schall för junge un öllere Lesers interessant ween:
Narichten ut de plattdüütsche Welt, Reiseberichte, Schauspeler-Porträts, Theater-Reportagen, Musik, Veranstaltungskalenner, en Thema mit Ecken un Kanten, Planten un Blomen un noch veel mehr – un allens op Plattdüütsch!
De legendäre Kökendisch vun Traude Backenberg: Hier warrt DAT BLATT utklamüstert
DAT BLATT will ut möglichst vele Ecken vun Plattdüütschland berichten, un ok de ünnerscheedlichen plattdüütschen Dialekte wiesen: De Autoren schrievt in ehr egen Dialekt.
De "redaktionellen Texte" sünd in dat Holsteener Platt schreven, dat kann jedeen in´n Noorden goot verstahn.
De "redaktionellen Texte" sünd in dat Holsteener Platt schreven, dat kann jedeen in´n Noorden goot verstahn.
Alldagsgeschäft bi DAT BLATT: Traude Backenberg telefoneert mit en Abo-Interessent, Petra Wede föhrt en Interview mit Anja Bublitz vun de Musikgrupp Godewind
Tweemal in´t Johr kommt de grote Ogenblick: Dat druckfrische BLATT kümmt ut de Druckeree!
Nu amenn hollt de BLATT-Lüüd dat in de Hannen, wo se en halv Johr lang op hen arbeidt hebbt. Un wenn denn noch de Lesers mit DAT BLATT tofreden sünd, freut sik de Lüüd vun´t BLATT ganz besünners!
Nu amenn hollt de BLATT-Lüüd dat in de Hannen, wo se en halv Johr lang op hen arbeidt hebbt. Un wenn denn noch de Lesers mit DAT BLATT tofreden sünd, freut sik de Lüüd vun´t BLATT ganz besünners!
